Harry Kane shuan zërat për largim: Jam i lumtur te Bayerni!

Sulmuesi anglez Harry Kane nuk ka ndërmend t’i thotë lamtumirë Bavarisë. Një vit e gjysmë pas mbërritjes në Gjermani, “uragani” nuk ka absolutisht asnjë dëshirë për t’u rikthyer në Premier League. Kohët e fundit janë shtuar zërat për një rikthim në vendlindje.

“Kanë dalë histori që nuk kanë asnjë bazë të vërtetë. Jam 100% i fokusuar te Bayern dhe te sezoni që jemi duke zhvilluar. Nuk e di se nga vijnë këto fjalë për transferimin tim tek ekipet e Premier League”, tha sulmuesi anglez për mediat.

Kane ka shënuar 77 gola në 83 ndeshje zyrtare me Bayern Munich, klub me të cilin ka një kontratë deri në verën e vitit 2027.

“Jam jashtëzakonisht i lumtur këtu. Mendoj se kemi një ekip fantastik, staf fantastik stërvitor dhe thjesht ndjej se dua të luaj në nivelin më të lartë të mundshëm. Unë e di se gjërat mund të ndryshojnë në futboll në një kohë të shkurtër, por në fund të fundit fokusi im është këtu“, deklaroi Kane.