Hidhet shorti i Europa League/ Roma me sfida delikate, ja të gjitha duelet

Sot është hedhur shorti i fazës së grupeve të Europa League, ku 36 skuadrat pjesëmarrëse kanë mësuar kundërshtarët e tyre për këtë sezon.

Shorti ka rezervuar një grup sfidues për Romën, e cila do të përballet fillimisht me Lille, për të vijuar më pas me takime ndaj Rangers, Viktoria Plzen, Celtic, Midtjylland, Nice, Stuttgart dhe Panathinaikos.

Një tjetër klub me emër në këtë edicion, Porto, do të ketë një kalendar po aq të ngjeshur. Portugezët do të sfidojnë Rangers, Salzburg, Crvena Zvezda, Viktoria Plzen, Nice, Nottingham Forest, Malmo dhe Utrecht.

Kjo fazë e re e Europa League pritet të sjellë duele spektakolare dhe emocione të forta, teksa skuadrat do të luftojnë për një vend në fazën me eliminim direkt.