Higuain alarmon Juventusin, në dyshim për sfidën me Romën

3 ditë para ndeshjes së madhe ndaj Romës, në shtëpinë e Juventusit ndizet alarmi Gonzalo Higuain. Sipas asaj që raporton sajti i klubit italian, bomberi argjentinas ka zhvilluar një stërvitje të personalizuar, për shkak të një problemi në kofshën e këmbës së majtë.

Asgjë shqetësuese, për sfidën në Olimpico ai do të vijojë të mbetet në dyshim. Edhe nëse do të ishte i gatshëm me shumë mundësi do të përfundonte në stol, pasi Ronaldo dhe Dybala tashmë janë dyshja titullare, të mbështetur nga Ramsey. /Koha Jone/