Humbja e turpshme ndaj Frankfurtit, ja dy emrat që mund të zëvendësojnë Kovac te Bayerni

Bayerni dje pësoi një nga humbjet më të thella në histori në transfertën ndaj Eintrachtit të Frankfurtit. Pakënaqësia ndaj trajnerit kroat Niko Kovac është shtuar ndjeshëm tashmë. Drejtuesit e klubit, që shohin ndërprerjen e kampionatit pas javës së ardhshme, si momentin ideal për të ndryshuar kreun e pankinës.

Në rast të shkarkimit të Kovac, në krye të listës për të marrë vendin e tij është Jose Mourinho, i cili prej thuajse një viti është i papunë dhe në intervistat e tij nuk e ka mohuar dëshirën për të punuar në një kampionat të ri dhe në CV-në e tij mungon një eksperiencë në Bundesligë.

Përveç portugezit, një emër që “josh” drejtuesit e Bayernit është edhe ai i ish trajnerit të Juventusi, Massimiliano Allegri, që gjithashtu është i lirë dhe i gatshëm për të provuar një eksperiencë jashtë Italie.

Gjithsesi Niko Kovac do të ketë edhe dy shanse të fundit, në Champions dhe në fundjavën e ardhshme ndaj Borussias së Dortmundit, ku me dy fitore do të konfirmonte vetveten.