Humbja turpëruese ndaj Argjentinës, Brazili shkarkon trajnerin Dorival

Brazili ka vendosur që të shkarkojë trajnerin Dorival Jr. Lajmi u konfirmua nga  federata e futbollit, CBF, pasi pesë herë kampionët e botës u mposhtën me shifrat e thella 4-1 nga rivalët e Argjentinës në Buenos Aires.

Humbja turpëruese dhe ecuria e dobët, me vendin e katërt në kualifikueset e Kupës së Botës, plot 10 pikë larg albicelestëve, sollën vendimin e pashmangshëm. Tekniku ishte emëruar në krye të stolit në janar të vitit 2024.

Dorival nuk arriti as të fitonte besimin e tifozerisë, pasi fitoi vetëm 7 nga 16 ndeshjet ku drejtoi përfaqësuesen.