Hyri në fushë si zëvendësues, djali i Van Persie dëmtohet rëndë dhe del me barelë (VIDEO)

Mbrëmje e hidhur për Feyenoordin në fushën e Betis Sevillas, ku holandezët u mposhtën 2-1 dhe i dhanë fund rrugëtimit të tyre në Europa League. Por përtej eliminimit, ndeshja u shënua nga një moment dramatik: Shaqueel van Persie, sulmuesi 19-vjeçar dhe djali i trajnerit Robin van Persie, u detyrua të largohej nga fusha me barelë pas një dëmtimi në gjurin e djathtë.

Shaqueel kishte hyrë në lojë vetëm dhjetë minuta më parë, kur një përplasje e fortë e la të shtrirë në tokë. Stafi mjekësor ndërhyri menjëherë, ndërsa situata u duk serioze që në momentet e para. Pas ndeshjes, Robin van Persie, ish-sulmuesi i Arsenalit dhe Manchester United, nuk e fshehu tronditjen.

“Është rrëqethëse,” u shpreh ai. “Kur ndodh me një lojtar, gjithmonë shqetësohesh. Sot i ndodhi Shaqueelit. Shpreson që të mos jetë diçka e rëndë, por sinjalet e para nuk ishin inkurajuese.”

Trajneri holandez theksoi se për të, kjo situatë ishte më e rëndë se një moment futbolli, sepse përpara se të jetë trajner, është baba.

“Para së gjithash jam babai i tij. Më vjen jashtëzakonisht keq që duhet të kalojë nëpër këtë. Në pankinë duhet të jesh profesional, por brenda… është e pamundur të mos shqetësohesh.”

Pamjet nga fusha treguan Robin van Persien pranë të birit në momentet e para pas dëmtimit, duke e mbështetur me gjeste përkujdesjeje dhe duke u siguruar që ai të merrte ndihmën më të mirë të mundshme përpara se të largohej me barelë.

Posts from the soccer
community on Reddit