Ideja e re në Premier League, ndeshje më të shkurtra se 90 minuta

Premier League është ende duke pritur lejen nga qeveria për rifillimin e kampionatit përmes “Project Restart” në mes të qershorit dhe ta përfundojë në fund të korrikut. Ndërkohë, ka ide të ndryshme (dhe revolucionare) se si mund të mbyllet sezoni, sipas asaj që ka raportuar presidenti i Shoqatës Angleze.

“Për momentin nuk dihet asgjë për të ardhmen e futbollit, ka shumë ide për të diskutuar. Ka nga ata që kanë propozuar më shumë zëvendësime, të tjerë për ta mbyllur ndeshjen brenda 45 minutave të para. Të tjerë këmbëngulin për zhvillimin e ndeshjeve në fusha neutrale. Gjithsesi më shumë rëndësi ka që ndeshjet të luhen në mënyrë të sigurt”, ka shpjeguar Gordon Taylor.

Vizione dhe përçarje të ndryshme janë shfaqur mes 20 klubeve të Premier League, por synimi kryesor është që të mbyllet kampionati i këtij sezoni. /R.Lika-Koha Jone/