Igli Tare-n nuk e zë gjumi, arrin akordin me sulmuesin e njohur në mesnatë

Milani ka shtuar presionin në orët e fundit për Jean-Philippe Mateta. Kuqezinjtë kanë pasur kontakte shumë pozitive me Crystal Palace për sulmuesin francez të lindur në vitin 1997 dhe negociatat kanë hyrë në një fazë të avancuar. Mbyllja e marrëveshjes mund të vijë që në orët e ardhshme, me objektivin e klubit që ta sjellë sa më shpejt Matetan në Milanello.

Sulmuesi francez ka zhvilluar një sezon solid, duke regjistruar 34 paraqitje dhe 10 gola mes Premier League dhe kupave, çka e bën një profil të përshtatshëm për repartin ofensiv të Milanit.

Në rast se transferimi konkretizohet, pritet edhe një lëvizje në dalje. Kandidati kryesor për largim është Christopher Nkunku, i cili prej javësh është në radarët e Fenerbahçes. Klubi turk ka mbajtur kontakte të vazhdueshme me rrethin e lojtarit, ndërsa trajneri Domenico Tedesco po shtyn fort për transferimin, duke e njohur mirë Nkunkun nga koha te Leipzig.