Infektohet me koronavirus mbrojtësi i përfaqësueses së Kosovës

Numrat e pandemisë së koronavirusit janë rritur ndjeshëm, duke mos kursyer edhe personazhe të botës së sportit. 5 lojtarë të Partizanit kanë rezultuar pozitivë ditët e fundit, ndërsa pak pas mesditës u publikua lajmi se është infektuar edhe ish-kryeministri i Kosovës.

Mësohet se pozitiv me Covid-19 ka rezultuar edhe mbrojtësi i përfaqësueses së Kosovës, Mirlind Kryeziu, futbollist i Zyrihut në Zvicër.

“Mbrojtësi i qendrës së Zurichut, Mirlind Kryeziu rezultoi sot pozitiv në testin e koronavirusit. Që nga shfaqja e simptomave të buta, ai nuk ka marrë pjesë në stërvitje dhe aktualisht është në izolim në shtëpi me simptoma të lehta”, ka bërë të ditur klubi zviceran.