Interi humbet edhe Lukakun, belgu drejt rikthimit të bujshëm tek Chelsea

Interi mund të mbetet edhe pa Romelu Lukakun në sezonin e ri. Zikaltrit deri më tani i kanë rezistuar ofertës prej 100 milionë eurosh si dhe kartonin e Marcos Alonsos, por në orët në vijim mund të ndryshojë gjithçka.

Kampionët e Italisë po përpiqen të mos humbasin të tjera pjesë nga skuadra që fitoi titullin por duket e pamundur me insistimin e anglezëve që tashmë ofrojnë plot 130 milionë euro. Në këtë pikë diferencën mund ta bëjë vetëm dëshira e sulmuesit belg dhe Lukaku duket i hapur për rikthimin në ishull sipas asaj që raportojnë mediat në Itali.

Nëse ky operacion finalizohet, atëherë kalimi i belgut te Chelsea do të ishte blerja më e bujshme e klubit të Abramovic, njëkohësisht shitja e më shtrenjtë në historinë e klubit milanez. Blutë i sigurojnë bomberit 28-vjeçar 12 milionë euro plus bonuse në një sezon, 4.5 milionë më shumë nga ajo që Lukaku përfiton në Itali.