Interi rinovon me kapitenin Handanovic dhe prenoton portierin e Udineses

Pandemia e koronavirusit ka ndalur futbollin e luajtur, por jo planet e merkatos së Interit. Klubi zikaltër ka arritur marrëveshjen për zgjatjen e bashkëpunimit me portierin slloven, Samir Handanovic, kapitenin e zikaltërve, liderin e grupit të Antonio Contes, pozicioni i të cilit konsiderohet thelbësor jo vetëm teknikisht.

35-vjeçari është i gatshëm të zgjasë kontratën deri në vitin 2022, duke u lidhur në njëfarë mënyrë përjetë me klubin zikaltër. “Gazzetta dello Sport”, raporton ndërkohë se Iinteri ka gjetur edhe trashëgimtarin e Handanovicit.

Ideja e drejtuesve zikaltër është të prenotojnë Juan Musson, i vlerësuar 30 milionë euro nga friulanët, por duke e lënë edhe një vit tjetër tek kjo skuadër, për të fituar më shumë përvojë.