Interi shton listën e dëshirave, synon edhe talentin e Fiorentinës

Gaetano Castrovilli është emri i radhës që përfundon në listën e transferimeve të skuadrës së Interit. 22-vjeçari pëlqehet shumë nga drejtuesit zikaltër ndaj dhe në merkaton e janarit ata pritet të bëjnë një ofertë për të transferuar mesfushorin nga Fiorentina.

Në fakt dëshira e Interit është që në marrëveshje të përfshihej edhe kartoni i Matteo Politanos, në mënyrë që klubi vjollcë të ulë pretendimet për mesfushorin e talentuar.

Castrovilli rinovoi vetëm pak kohë më parë kontratën deri në qershor 2024, por një ofertë nga Inter mund të pranohet me kënaqësi prej tij.