Interi zyrtarisht kampione dimri, Chivu me mirë se Conte pas 20 javësh

Interi është zyrtarisht kampion dimri. Me fitoren e vështirë ndaj Lecces, zikaltërit kanë mbyllur edhe matematikisht fazën e parë të kampionatit, duke u ngjitur në kuotën e 46 pikëve pas 20 javësh dhe duke marrë “pole position” për titullin kampion.

Trajneri Cristian Chivu, i cili mori drejtimin e skuadrës në verë mes shumë pritshmërish dhe skepticizmi nga jashtë, po firmos një ecuri shumë pozitive. Rezultatet e tij janë edhe më të mira se ato të Antonio Contes në sezonin kur Napoli u shpall kampion i Italisë. Në atë edicion, skuadra e Contes kishte vetëm 40 pikë pas 20 ndeshjesh.

Chivu ka gjithashtu dy pikë më shumë se Interi i sezonit 2020/21, kur zikaltërit fituan titullin. Në tetë sezonet e fundit, vetëm Simone Inzaghi në sezonin 2023/24 me 51 pikë dhe Conte në 2019/20 me 47 pikë kanë bërë më mirë se Chivu në këtë fazë të kampionatit.