Inzaghi entuziast për fitoren ndaj Arsenalit: Edhe Asllani na dha një dorë të shkëlqyer!

Interi vijon formën fantastike në Champions League, teksa ditën e djeshme mori një tjetër sukses 1-0 ndaj Arsenalit, edhe pse me vuajtje. Trajneri Simone Inzaghi është shprehur entuziast pas këtij suksesi.

Pas ndeshjes kundër “topçinjve”, Inzaghi ia dedikojë fjalët e para lojtarëve si Asllanin, pasi zëvendësuesit në sytë e tij dhënë sinjale pozitive.

“Kam marrë sinjale pozitive nga lojtarët që kanë luajtur më pak. Ishte një fitore shumë e rëndësishme, Arsenal ishte një nga rivalët më të mirë që jemi përballur, një ekip shumë intensiv që na vendosi në vështirë në goditjet standarde. Jam shumë i kënaqur me soliditetin që treguam, por tani nuk duhet të ndalemi.

I zëvendësova mesfushorët sepse ata bënë një punë të shkëlqyer. Asllani ishte shumë mirë, ai na dha një dorë të shkëlqyer si gjithë të tjerët. Nuk ishte e lehtë të hyje në një ndeshje si kjo pasi nuk luante prej 13 ditësh”, tha Inzaghi.