Ish-futbollisti i Juves në gjendje të rëndë shëndetësore për shkak të alkoolit

Fabián O’Neill, që prej kohësh lufton një betejë kundër alkoolizmit. 46-vjeçari uruguaian, që ka luajtur edhe për Juventus ka dalë nga klinika ku ishte shtruar të premten e kaluar për cirozë hepatike.

Ish-futbollisti i kombëtares argjentinase do të vazhdojë rikuperimin në shtëpinë e tij në Paso de los Toros. Por edhe pse O’Neill ka reaguar shumë mirë ndaj trajtimit intensiv, shkruan shtypi lokal, situata e tij mbetet shumë e komplikuar.

Shumë njerëz janë afruar me ish-lojtarin në orët e fundit për ta ndihmuar. Mes tyre edhe ish-shoku i kombëtares Richard Morales, që i ka ofruar mundësinë për të kuruar varësinë e tij. Nuk është hera e parë që O’Neill shtrohet në spital, situatë që i ka ndodhur edhe në 2016.

“El Mago” e nisi karrierën e tij me Nacional de Montevideo. Në 1996 u nis për në Itali ku luajti me Cagliari, Juventus dhe Perugia para se të kthehej në atdhe, gjithnjë tek Nacional.