Otavio bën një ndërhyrje horror me të dyja këmbët ndaj sulmuesit kur ai po shënonte (VIDEO)

Ishin momentet e fundit të ndeshjes Hoffenheim-Wolfsburg, teksa vendasit po kryesonin 2-1. Miqtë ndërkohë ishin hedhur të gjithë në sulm në kërkim të golit të barazimit, duke përfshirë edhe portierin.

Pas një goditje nga këndi gjërat nuk shkuan dhe aq mirë për Wolfsburg, pasi do të humbisnin topin duke i dhënë mundësinë Mu’nas Dabbur që të vendosej i vetëm me portën e boshatisur.

Ky i fundit vijoi vrapimin duke u shqetësuar disi nga portieri, ndërkohë që në momentin që do të godiste në fund, Otavio i bën një ndërhyrje horror me të dyja këmbët duke e ndalur në hyrje të zonës. Sigurisht që arbitri i tregoi menjëherë kartonin e kuq, që në këtë rast nuk ka shpëtim nga asgjë, pasi ishte shumë e rrezikshme. /R.Lika-Koha Jone/