Java e parë e “Abissnet Superiore”/ Egnatia, Teuta e Vllaznia e nisin me fitore

Java e parë e kampionatit “Abissnet Superiore” u mbyll mbrëmjen djeshme.

Në stadiumin “Arena e Demave” supersfida e javës u fitua nga shkodranët me rezultatin minimal 1-0. Në Korçë takimi Skënderbeu-AF Elbasani përfundoi në barazim 1-1.

Laçi-Tirana ndërkohë përfundoi në barazim 0-0. Të dielën u luajtën edhe dy sfidat e para të kampionatit “Abissnet Superiore”.

Egnatia mundi Dinamo City-n në “Elbasan Arena” me rezultatin 2-0, ndërsa Teuta triumfoi ndaj Bylisit në “Niko Dovana” 2-1.