Jo vetëm humbja me Interin, Juventus mbetet dhe pa sulmuesin serb

Inter mposhti Juventusin në San Siro me shifrat 1-0, duke u dhënë një goditje të fortë shpresave të bardhezinjve për titullin kampion.

“Zonja e Vjetër” tashmë vuajnë edhe problemet fizike të Dusan Vlahovic dhe Federico Chiesës. Sulmuesi serb i është nënshtruar analizave për një mbingarkesë muskulore në kofshën e djathtë teksa rikuperimi i tij do të ndiqet ditë pas dite, teksa është në dyshim për ndeshjen e fundjavës ndaj Udineses.

Chiesa mori një goditje në këmbën e djathtë dhe gjithashtu iu nënshtrua analizave. Megjithatë, për sulmuesin duket se nuk ka probleme dhe do të jetë gati për ndeshjen me Udinesen.