Junajtid “provë zjarri” me Totenhem, Mourinho sulmon analistët e futbollit

Sporti E Hënë, 19 Prill 2021 02:50

Eliminimi nga Champions League e ka bërë edhe më të fokusuar ekipin e Chelsea në Premier League, ku pas javës së 28-të kryeson me pesë pikë diferencë nga vendi i dytë, që mbahet nga Mançester Siti. Por Blutë e Londrës nuk do ta kenë edhe aq të lehtë fitoren e radhës, pasi Southempton vlerësohet si një ndër ekipet surprizë të këtij sezoni, madje pretendent për një vend në zonën Champions. Trajneri Jose Mourinho në prag të ndeshjes, pas eliminimit nga Champions që i shkaktoi PSG, është kritikuar dhe ka vendosur të kundërpërgjigjet ndaj kritikëve. Ai ka sulmuar dy nga analistët më të mirë sportivë që kritikuan ekipin e tij, Jamie Carragher (Daily Mail) dhe Graeme Souness (Sky) kryesisht mbi komentet që kishin bërë për sjelljen e lojtarëve të Chelsea gjatë ndeshjes së mërkurë, në Champions League, kur londinezët pas barazimit 2-2 në fund të 120 minutave, u eliminuan nga ky kompeticion. Lojtarët e Chelsea janë kritikuar sepse rrethuan gjyqtarin Bjorn Kuipers kur Zlatan Ibrahimovic të dilte me karton të kuq pas një ndërhyrje të ashpër ndaj Oscar.

Gjithsesi, skuadra e Jose Mourinho ka një ndeshje më pak se ekipet e tjera rivale, ndaj fitorja ndaj Southampton vlerësohet si një hap i madh dhe i sigurtë drejt titullit kampion. Më e ashpër duket beteja për një vend në zonën Champions. Arsenali, Mançester Junajtid e Liverpul po ecin me të njëjtin hap. Kjo javë rezervon një përballje të vështirë për të besuarit e trajnerit Luis van Gaal. Junajtid pret Totenhem dhe i duhet medoemos fitorja, ndërkohë që nën drejtimin e holandezit Djajtë e Kuq nuk kanë pasur prishtmëritë e duhura gjatë këtij sezoni. Arsenali do të luajë ndaj Uest Hem, ndërsa java e Premier League mbyllet me ndeshjen që Liverpuli do të zhvillojë të hënën në fushë të skuadrës uellsiane, Suansea.