Liverpooli bën gati super ofertën për mesfushorin e Napolit

Te Napoli pritet të ketë një fushatë largimesh gjatë merakos së verës. Në listën e presidentit De Laurenttis është edhe emri i Fabian Ruiz, i cili sipas El Desmarque, është në orbitën e skuadrës së Liverpoolit.

Mesfushori spanjoll është një nga dëshirat e trajnerit Jurgen Klopp, i cili gjithashtu dëshiron edhe Isco-n nga Reali, por ky i fundit ka një vlerësim të lart në merkato (60 milionë euro).

Fabian Ruiz ndërkohë është shumë më i ri dhe mbulon më shumë role se lojtari i kadrileve, madje ka edhe një çmim më të ulët, vetëm 56 milionë euro. Situata për momentin është e qetë, por nuk përjashtohet as ndonjë lëvizje në ditët e fundit të merkatos së dimrit. Napoli mund ta lërë të lirë, teksa këtë sezon nuk ka qenë një futbollist i pazëvendësueshëm për Ancelottin apo Gattuson. /R.Lika-Koha Jone/