Juventus bën gati super ofertën për të rrëmbyer yllin e Realit

Dani Ceballos mund të bëhet një futbollist i Juventusit sezonin e ardhshëm. Gazeta katalanase “Mundo Deportivo” raporton se 24-vjeçari spanjoll, i cili aktivizohet te Arsenali por është në pronësinë e Real Madrid, nuk bën pjesë në planet e trajnerit Zidane.

Bardhezinjtë gjithsesi do të kenë jo pak rivalitet, pasi në garë për mesfushorin spanjoll janë edhe Valencia dhe Betis Sevilla. Skuadra torineze është në avantazh, pasi është e gatshme që të paguajë shifrën e 40 milionë euro.

Ceballos pritet që të firmos një kontratë me vlerë 4.5 deri në 5 milionë euro në sezon, duke qenë një investim i rëndësishëm në mesfushë, atje ku pritet të largohen Pjanic dhe Khedira. /R.Lika-Koha Jone/