Juventus gati që të largojë Vlahovic, do e zëvendësojë ylli i Bundesligës

Dusan Vlahovic ka shënuar 5 gola në 13 ndeshje këtë sezon, një ecuri aspak e mirë për një nga lojtarët më të paguar në Seria A.

Rinovimi me kushte të reja nuk do të jetë një detyrë e lehtë, ndaj drejtuesit e klubit torinez thuhet se po mendojnë ta shesin në verë. Cristiano Giuntoli duket se ka gjetur zëvendësuesin ideal.

Sipas “La Gazzetta dello Sport”, drejtori i futbollit i Juventusit është gjithnjë e më i bindur për cilësitë e Victor Boniface. Nigeriani po kalon një sezon të mrekullueshëm nën drejtimin e Xabi Alonso: 14 gola në 21 ndeshje, duke kontribuar gjithashtu me asiste për shokët e skuadrës.

Giuntoli do ta kishte identifikuar atë si një Osimhen të ri të mundshëm, edhe nëse karakteristikat e tij janë shumë të ndryshme nga golashënuesi më i mirë i Serisë A sezonin e kaluar. Boniface vlen mbi 40 milionë euro, një shifër shumë e rëndësishme, të cilën Juve do të ishte e gatshme ta shpenzonte vetëm në rast të shitjes së Dusan Vlahovic.