Juventus hidhet në sulm për super sulmuesin anglez

Juventus është në kërkim të një bomberi për sezonin e ardhshëm. Gonzalo Higuain nuk ka arritur që të bindë ekipin torinez, teksa nuk ka gjetur në vazhdimësi rrugën e rrjetës. Duke i shtuar edhe pakënaqësitë e tij për rikthimin në Itali, kjo mund të sjellë edhe një divorc të mundshëm në fund të sezonit.

Objektivi kryesor i kampionëve të Italisë është Harry Kane. Sulmuesi anglez ka vendosur që të largohet nga Tottenham, teksa bardhezinjtë shihen si një nga opsionet më të mira për të formuar një trinom ëndrrash me Dybala-n dhe Cristiano Ronaldon.

Daniele Rugani, Pjanic dhe Khedira janë futbollistët e tjerë që me shumë mundësi do të largohen nga Juventusi për të nisur një aventurë të re. /R.Lika-Koha Jone/