Juventus nuk ka ndërmend të ndalet në Seria A, duke siguruar fitoren e radhës 1-0 në derbin ndaj Torinos. Kampionët e Italisë i janë falur një golit të mbrojtësit De Ligt.
Në fraksionin e parë holandezi u bë protagonist me një prekje të topit me dorë brenda zonës, por për arbitrin dora ishte në pozicion natyral duke mos akorduar penallti. Skuadra bardhezi vuan shumë presionin e Torinos që luan me një ritëm të kënaqshëm duke rrezikuar në disa raste me Belottin që është vazhdimisht një rrezik.
Në minutën e 70-të, pas një goditje nga këndi, Higuain shërben në zonë për De Ligt, i cili e dërgon në rrjetë. Ky është goli i parë me fanellën e Juventusit për mbrojtësin holandez. Torino kërkoi të kundërpërgjigje menjëherë, por duke lënë shumë hapësira pas, teksa Higuain dhe Ramsey krijuan dy shanse të mira shënimi.
Juventus me këtë fitore vijon të ruajë kryesimin me 29 pikë, 1 më shumë se Interi. /R.Lika-Koha Jone/