Juventus këmbëngul për Kurzawa, gati ta marrë falas në verë

Layvin Kurzawa ishte shumë pranë kalimit te Juventus në merkaton e janarit, si pjesë e marrëveshjes që do të çonte në Paris, Mattia De Sciglion.

Megjithatë në momentin e fundit drejtuesit e klubit bardhezi ndryshuan mendje dhe nuk dëshironin që një shkëmbim i tillë të kryhej. Megjithatë mundësitë për kalimin e mbrojtësit francez në Torino tashmë duken edhe më të mëdha.

Kurzawas i përfundon kontrata në qershor dhe në rast se ai nuk rinovon me PSG, mund të largohet me kosto zero. Diçka e tillë duket se shtyn edhe drejtuesit e Juventusit të bindin lojtarin që të nënshkruajë me ata në përfundim të sezonit.