Juventus nis bisedimet me Borozovic, Zhegrova rrezikon të lihet jashtë listës së Seria A

Juventusi po shqyrton seriozisht mundësinë për t’i bërë një ofertë Marcelo Brozovic. Mesfushori kroat, 33 vjeç, aktualisht është lojtar i lirë pas përfundimit të aventurës së tij me Al-Nassr dhe emri i tij po qarkullon sërish në orbitën bardhezi.

Sipas indiscrezioneve të ardhura nga Spanja dhe të raportuara nga portali “Fichajes.net”, Juventusi mund t’i propozojë ish-mesfushorit të Interit një kontratë njëvjeçare, me opsion për një sezon tjetër. Rinovimi do të lidhej me një numër të caktuar paraqitjesh gjatë sezonit.

Pista mund të marrë formë në orët e ardhshme. Sipas raportimeve, drejtuesit e Juventusit dhe përfaqësuesit e Brozovic mund të zhvillojnë një tjetër takim brenda 48 orëve për të kuptuar nëse ekzistojnë kushtet për ta çuar përpara operacionin.

Pengesa kryesore mbetet ajo ekonomike. Kërkesat financiare të kroatit thuhet se aktualisht nuk përputhen me parametrat e Juventusit, ndaj një ulje e pretendimeve nga ana e lojtarit do të ishte e nevojshme për të bërë të mundur marrëveshjen.

Nëse Juventusi vendos të vazhdojë me Brozovic, do të duhet të marrë në konsideratë edhe çështjen e listës së lojtarëve në Serie A. Sipas hipotezës së raportuar, për t’i krijuar hapësirë kroatit mund të nevojitet largimi ose përjashtimi nga lista i një futbollisti të huaj.

Në këtë skenar, emri i Edon Zhegrovës përmendet si një nga kandidatët kryesorë. Megjithatë, kjo mbetet për momentin një hipotezë e merkatos dhe jo një vendim i konfirmuar nga klubi.