Juventus shkarkon Igor Tudor pas sfidës me Lazios, humbja rezultoi fatale

Aventura e Igor Tudor te Juventusi është mbyllur. Klubi bardhezi ka zyrtarizuar shkarkimin e trajnerit kroat për të cilin rezultoi fatale humbja në Olimpico ndaj Lazios që ishte edhe humbja e tretë radhazi pas asaj me Comon dhe Realit të Madridit në Bernabeu 1-0 në Ligën e kampioneve. Ndër kandidaturat italiane për vendin e lirë tani spikat emri i Luciano Spallettit, por është edhe pista e Roberto Mancinit, ndërsa Raffaele Palladino është i preferuar nga Drejtori Teknik Modesto, me të cilin trajneri ka punuar kur ishte te Monza.