Juventus “tërhiqe mos e këput” me C.Palace për sulmuesin Mateta

Juventus dhe Crystal Palace vazhdojnë “lojën e nervave” për transferimin e Jean-Philippe Mateta. Sipas asaj që raporton La Stampa, në takimin e fundit mes palëve, drejtuesit bardhezi kanë rritur ofertën në 32–33 milionë euro.

Bëhet fjalë për një shifër totale, e ndarë mes huazimit dhe të drejtës së blerjes, ku nga Juventusi kërkohet një sakrificë e përbashkët, përfshirë edhe agjentët e lojtarit sa i përket komisioneve. Megjithatë, negociatat mbeten të vështira.

Problemi kryesor është që Crystal Palace nuk lëviz nga kërkesa e tij: 35 milionë euro dhe një formulë e qartë transferimi. Klubi londinez insiston për një detyrim automatik blerjeje, pa kushte të buta.

Nga ana tjetër, Juventus ka tentuar të gjejë kompromis duke propozuar që detyrimi i blerjes të aktivizohet edhe në rast të kualifikimit në një kompeticion europian, jo domosdoshmërish vetëm në Champions League. Pavarësisht kësaj hapjeje, Palace mbetet i palëkundur në qëndrimin e tij.

Bisedimet pritet të vazhdojnë, por distanca mes kërkesës dhe ofertës mbetet ende e konsiderueshme.