Kampionati me Serbinë, Stresi: Të vijnë plehrat, turp për politikanët

Shqipëria dhe Serbia do të jenë bashkë-organizatorët e Kampionatit Evropian të futbollit për moshat U-21 në vitin 2027 ka ngjallur reagime. Stresi ka shprehur zemërimin e tij përmes një postimi në Instagram. Ai ka kritikuar ashpër këtë vendim, duke e cilësuar atë si të papranueshëm për shqiptarët, veçanërisht për ata që kanë përjetuar krimet e luftës në Kosovë.

”Ju nuk e keni provuar të masakroheni nga mosha 0 deri në 100 vjeç. Nuk e keni përjetuar të masakrohet një fëmijë në barkun e nënës apo sa gra janë përdhunuar dhe dhunuar? Dhe pa pikë turpi bëni marrëveshje me Serbinë”, ka shkruar reperi në mesazhin e tij emocional.

Nga ana tjetër e ka quajtur këtë organizim një “turp dhe faqe e zezë” për politikën shqiptare dhe kosovare, duke akuzuar udhëheqësit për bashkëpunim me Serbinë. Stresi ka nënvizuar gjithashtu se një vendim i tillë është i papranueshëm për ata që kanë pësuar nga lufta dhe ka paralajmëruar reagime nga shqiptarët, veçanërisht nga Kosova.