Kane: Bayerni klub i madh, por jam i përqendruar te Tottenham

Harry Kane është listën e dëshirave të Bayernit për sezonin e ardhshëm. Sulmuesi prej kohësh është në merkato, ndërkohë që shumë ekipe kanë shfaqur interes për të.

“Bayern është një klub i madh, por vëmendja ime tashmë është tek Tottenham. Aq më tepër që tashmë luajmë në Champions dhe kemi një ndeshje  vendimtare ndaj Eintracht Frankfurt. Për fat dy ndeshjet e radhës i kemi në shtëpi dhe duhet të përfitojmë për të siguruar kualifikimin.

E dimë sa i rëndësishëm është kalimi i fazës së grupeve dhe tashmë është momenti për të treguar veten dhe për t’ia dalë”, u shpreh Kane duke hequr në këtë formë vëmendjen nga zërat që e lidhin me një transferim te Bayern Munich.