Kapiteni i Granadas: Ndeshje me emocion, shpresojmë të kualifikohemi!

Kapiteni i Granada-s, Victor Diaz në daljen për mediat para duelit ndaj Teutës është shfaqur optimistë, por ka vlerësuar edhe skuadrën durrsake. Sipas tij, faktori fushë dhe temperaturat nuk do të kenë ndikim.

“Trajneri e ka studiuar mirë kundërshtarin dhe na ka dhënë informacione mjaftueshëm, ndaj them se jemi gati. Ne nuk kemi vetëm një skemë apo ide loje, por jemi gati të ndryshojmë në varësi të ecurisë së takimit. Nesër do të provojmë të luajmë në sulm dhe të kontrollojmë ndeshjen.

Ekipi e pret këtë ndeshje me një iluzion të madh dhe emocion të konsiderueshëm. Është një ndeshje shumë interesante për të dy palët dhe shpresojmë që t’ia dalim. Është një zakon që e kemi në çdo stadium, si në Spanjë, ashtu edhe jashtë saj. Duam të shkelim barin dhe të shohim gjendjen e fushës ku do të luajmë. Fusha ishte e mirë dhe vitet e fundit kemi luajtur shpesh në terrene të tilla, sidomos në Kupën e Mbretit.

Pak a shumë temperaturat janë të njëjta me ato në Granada, pasi edhe atje bën goxha vapë. Në qytetin e Durrësit ka pak më shumë lagështirë në orarin e ndeshjes, por që do të dimë të përshtatemi dhe të bëjmë më të mirën në fushë”, deklaroi Diaz.