Kategoria e Parë/ Vora pëson humbje ndaj Pogradecit, ngec Flamurtari

Sot u luajtën të gjitha ndeshjet e javës së 30-të në Kategorinë e Parë. Vora, Flamurtari, Besa dhe Burreli do jenë pjesë e play-off, ndërsa do vijojë gara për titullin kampion dhe dy vendet e para që të dërgojnë direkt në Superligë.

Kryesuesit e Vorës u mposhtën 1-0 në Pogradec. Liqenorët fituan edhe një javë më parë kundër Flamurtarit, ndërsa këtë herë me golin e Pius mposhtin. Duket se gara për titullin kampion mes dy skuadrave do vijojë deri sa ta lejojë matematika.

Fitore bindëse për Apoloninë, që në Fier i shënoi tre herë Korabit. Sukses për Lushnjën 4-1 kundër Valbonës. Tanimë skuadra nga Bajram Curri zyrtarisht është e rrëzuar një ligë më poshtë së bashku me Erzenin.

Tre javët në vijim do tregojnë se cila mes Pogradecit, Apolonisë, Lushnjës, Kastriotit apo Korabit do jenë në play-off, teksa Kukësi e ka humbur këtë shans dhe do garojë për të mbijetuar.