Klauzolë pro Realit për Haaland, reagon Manchester City: Ta harrojnë, nuk ekziston!
Erling Haaland u transferua në merkaton e verës nga Borussia Dortmund te Manchester City për 60 milionë euro. Bomberi norvegjez ka shënuar 19 gola deri tani në të gjitha kompeticionet.
22-vjeçari numëron 28 gola në Champions në 22 ndeshje me një mesatare prej 1.27 goli për ndeshje, mesatare më e mirë se 98 skuadra që kanë marrë pjesë në këtë kompeticion. Në ditët e fundit është përfolur për një klauzolë në favor të Real Madridit.
Shumë është përfolur për një klauzolë që i lejon largimin nga City. Çmimi i kartonit zbret në 175 milionë euro në verën e vitit 2025. Por, drejtuesit e Manchester City kanë mohuar ekzistencën e një klauzole të tillë.
Në Spanjë janë të bindur që goleadori viking mund të transferohet te Reali i Madridi në vitin 2024, por skuadra angleze ka hedhur poshtë këtë mundësi sipas raportimeve të medieve angleze.
