Klose: Do vija bast të gjitha paratë që Strakosha s’do bëhej titullar te Lazio

Miroslav Klose ka qenë gjithmonë fanatik i futbollit të bukur. Tashmë ish-bomberi i njohur është trajner i të rinjve të Bayern Munich, por ish-sulmuesi vijon të jetë i lidhur me klubin e Lazios.

Në një intervistë për “La Gazzetta dello Sport”, Klose ka habitur me një deklaratë të tij mbi portierin shqiptar, Thomas Strakosha.

“Kur luaja unë me Lazion, ishte portier i tretë. Do të vija bast gjithçka mbi faktin që nuk do të bëhej portieri titullar. Nuk të jepte siguri. Por, rritja e tij tregon që duhet t’i japësh hapësirë të rinjve dhe t’i japësh kohë që të rriten”, shtoi ish-sulmuesi gjerman në reagimin e tij që duket shumë absurd.