Klubi i Seria C prezanton projektin e stadiumit të ri që do të kushtojë 50 mln euro

Klubi i Ternanës prezantuar projektin ambicioz të stadiumit të ri. Impianti i ri i ekipit të Seria C do të jetë i stilit anglez, me 18,500 vende, me një zonë komerciale, dyqane, muze klubi dhe qendër sportive të bashkangjitur. Do të ndërtohet aty ku tani qëndron kompleksi “Liberati”.

Projekti u prezantua zyrtarisht në Komunë, me një investim prej afërsisht 50 milionë euro dhe do të shtrihet në 94 mijë metra katrorë, përfshirë edhe fushat stërvitore pra në stadiumit modern, i cili do të jetë i tëri i mbuluar për spektatorët.

Ternana e bën këtë në një nga sezonet më fantastikë të historisë sa u përket rezultateve, pavarësisht se ndodhen në Serie C. Është skuadra me më shumë gola në Evropë në 24 javë, plot 63 të tillë, duke kaluar Bayern Munchen me 1 gol më shumë. Por jo vetëm kaq, nuk ka asnjë humbje këtë sezon, me 19 fitore dhe 5 barazime, dhe ka pësuar vetëm 16 gola, në vend të katërt në Evropë.