Koeman rikuperon dy yje në prag të ndeshjes ndaj PSG

Miralem Pjanic dhe Sergino Dest do të jenë të gatshëm që në ndeshjen kundër Alaves. Dy futbollistët katalans janë rikuperuar nga dëmtimi, teksa do të jenë në formën e tyre më të mirë për ndeshjen e Champions League, që skuadra Blaugrana do të luajë ndaj PSG.

Mbrojtësi anësor ishte jashtë fushave për disa javë për shkak të një shqetësimi muskulor në këmbën e tij të djathtë dhe trajneri holandez nuk duhet ta detyronte kthimin e tij.

Pjanic ishte jashtë kundër Sevilla për shkak të një goditjeje në këmbën e majtë, veçanërisht për t’i dhënë pushim Sergio Busquets. Nuk është i gatshëm as Martin Braithwaite. Sulmuesi danez, i cili ka një problem me këmbën e tij të djathtë, nuk është gati për sfidën e fundjavës.