Kolo Muani kryen sot vizitat mjekësore te Juventusi

Pas njoftimit zyrtar të Alberto Costa, i cili nënshkroi një kontratë deri në qershor 2029, te skuadra e Juventusit është dita e vizitave mjekësore për një tjetër transferim.

Në Torino ka mbërritur Kolo Muani, i marrë nga PSG në një marrëveshje huazimi deri në fund të sezonit. Sulmuesi francez, i cili mbërriti në Torino mbrëmjen e së mërkurës për të nisur aventurën e tij të re në Itali, u paraqit në ambientet e Allianz Stadium për t’iu nënshtruar testeve fizike dhe atletike, e më pas do të hidhet firma në kontratë.

Objektivi bardhezi pret që Kolo Muani të jetë i disponueshëm për ndeshjen e kampionatit kundër Milanit të planifikuar për të shtunën në orën 18:00.