Kolo Muani pranon kritikat e Spallettit: Ka të drejtë, duhet t’i konkretizojmë rastet!

Kolo Muani ka reaguar ndaj kritikave të trajnerit Luciano Spalletti pas ndeshjes së Juventusit në transfertën ndaj Frosinones. Në një intervistë për “Corriere della Sera”, sulmuesi francez pranoi se fjalët e teknikut ishin të drejta dhe theksoi rëndësinë e shfrytëzimit të rasteve të krijuara.

“Ka të drejtë. Kur krijojmë shumë mundësi, duhet të jemi në gjendje t’i konkretizojmë”, u shpreh Kolo Muani, duke iu referuar kritikave të Spallettit.

Sulmuesi shtoi se edhe ai vetë ishte i vetëdijshëm për mundësitë e humbura pas asaj sfide: “Pas asaj ndeshjeje, isha i pari që e dija se kishim pasur rastet e duhura për ta bërë këtë”.

Megjithatë, Kolo Muani nënvizoi se nuk dëshiron të mbetet gjatë te gabimet dhe preferon të përqendrohet te e tashmja.

“Jam një lojtar që e harron menjëherë gabimin. Duhet të jesh gjithmonë i përqendruar dhe të mendosh për të tashmen”, deklaroi francezi.