Kombëtarja e mbyll në vendin e 65-të në botë

Kombëtarja e mbylli vitin në vendin e 65, duke mos patur ndryshime nga 1 muaj më parë. Shqipëria e nisi vitin në pozitën e 64 dhe gjatë 2024 pati oshilacione, duke zbritur e 67 në shtator.

Renditjen më të mirë historike Kuqezinjtë e patën në gusht të 2015 ku ishin të 22 në botë, kjo falë fushatës kualifikuese të Euro 2016.

Kosova renditet e 99-ta ashtu si 1 muaj më parë. Ky është pozicionimi më i mirë historik i Dardanëve. Në renditjen e publikuar këtë të enjte nga FIFA në krye mbetet Argjentina e ndjekur nga Franca e Spanja.

Kombëtarja do të kthehet në fushë në mars për kualifikueset e Botërorit 2026. Kuqezinjtë janë në grup me Anglinë, Serbinë. Letoninë dhe Andorrën.