Kosova publikon sfidën për dy sfidat e radhës, 3 rikthime të mëdha
Sporti E Premte, 4 Tetor 2019 19:14
Kosova do të luajë dy ndeshje gjatë muajit tetor, ndaj Gjibraltarit më 10 tetor dhe më pas sfida eliminatore e Euro 2020-ës, ndaj Malit të Zi më 14 tetor, në stadiumin “Fadil Vokrri” të Prishtinës.
Trajneri i “Dardanëve”, zvicerani Bernard Challandes ka publikuar listën me 25 futbollistët që ka ftuar për të pasur në dispozicion për këto dy takime, teksa bie në sy rikthimi nga dëmtimi i Herolind Shalës, Benjamin Kolollit e Milot Rashicës.
Gjithashtu ka marrë ftesën për herë të parë edhe sulmuesi i Lokomotivës së Zagrebit, Lirim Kastrati, që po shkëlqen në kampionatin kroat, por që deri në muajin shtator ishte pjesë e Kosovës U21 dhe tani do të ketë mundësi të tregojë veten para Challandes.
