Kovac: Dominuam ndaj Dortmundit, na ndëshkuan dy gabime

Trajneri i Bayern Munich, Niko Kovac, nuk e ka fshehur zhgënjimin për humbjen 2-0 në Superkupën e Gjermanisë ndaj Borussia Dortmund. Strategu i njohur gjithsesi vlerësoi lojën e ekipit të tij.

“Sigurisht, jemi të trishtuar që e humbëm ndeshjen. Mendoj se zhvilluam një lojë të mirë, por jo shumë të mirë. Ne ishim dominues të ndeshjes, por bëmë dy gabime të mëdha, të cilat u shfrytëzuan nga Dortmundi. Nuk arritëm t’i konkretizonim shanset tona, kjo ishte arsyeja pse e humbëm ndeshjen.

Ne jemi në javën e katërt të përgatitjeve parasezonale. Ishte ndeshja e parë, ku të gjithë luanin 90 minuta. Ju nuk mund të prisni më shumë në këtë situatë. Unë nuk jam i pakënaqur, por sigurisht nuk ishte një shfaqje e shkëlqyer”, deklaroi Kovac