Kumbulla: Verona më ndryshoi jetën, gjithmonë kam pasur instinkt për golin!

Marash Kumbulla mbrëmjen e djeshme u bë sërish protagonist me Romën e tij këtë herë duke realizuar në “San Siro”, për të frenuar për herë të parë Milanin gjatë këtij sezoni. Në një intervistë për mediat italiane pas golit, Kumbulla foli për golin, sfidën ndaj Milanit dhe sesi ja ndryshoi jetën Verona.

“Gjithmonë kam qenë një qendërmbrojtës, por e kisha atë zakonin e shënimit. Vitet e fundit kam luftuar më pak për të shënuar, por gjithmonë e kam pasur atë instinkt. Për fat të mirë topi shkoi në shtyllën e dytë dhe unë arrita të shënoj.

Unë mund të përmirësohem shumë në gjithçka. Kam bërë një gabim që mund ta kisha shmangur. Për fat të mirë shënova dhe e kompensova atë. Po integrohem mirë falë shokëve të skuadrës dhe shpresoj të përmirësohem.

Jeta ime ka marrë një përshpejtim të dukshëm falë Verona e Juric. Ata më dhënë menjëherë besim, pastaj këtë vit u përmirësova dhe isha në gjendje të luaja si titullar në Serie A. Tani shpresoj me Romën të bëj sa më mirë të jetë e mundur”, deklaroi Kumbulla.