Lajme të mira për Asllanin tek Interi, dëmtimi i Calhanoglu mund ta bëjë titullar ndaj Veronës

Calhanoglu është dëmtuar me kombëtaren turke dhe do të mungojë në ndeshjen e radhës që Interi do të luajë në kampionatin italian kundër Veronës.

Mediat italiane shkruajnë se trajneri i zikaltërve synon që të hedhë në fushë si titullar kundër Veronës, mesfushorin shqiptar Kristjan Asllani, që konsiderohet si zëvendësuesi natyral i turkut në rolin e regjisorit në mesfushën e Interit.

Asllani mund të ketë një mundësi të madhe që nuk duhet humbur. Nëse Inzaghi vendos ti besojë një fanellë titullari të shtunën në Verona, do të duhet një hap përpara, si ato që kanë bërë shokët e tij në “pankinë” këtë sezon, duke nisur nga Bisseck në mbrojtje.

Në të kundërt trajneri i Interit ka edhe alternativa të tjera në mesfushë si Piotr Zielinski, i cili është aktivizuar më shumë në duelet e fundit.