Lajmi i madh nga Gjermania, Bundesliga nis që në muajin maj

Bundesliga mund të bëhet kampionati i parë që do të rikthehet në aktivitet, teksa Ministri i Sporteve duket se do të japë dritën jeshile që kampionati të fillojë më 9 maj.

Masat në këtë shtet janë lehtësuar në ditët e fundit, teksa janë rihapur edhe dyqanet e vogla apo dhe shitjet e makinave, por distancomi shoqëror vijon. Në një deklaratë Ministri gjerman Markus Soder konfirmoi se janë në bisedime me federatën për rinisjen e kampionatit. Në stadium do të lejohen brenda vetëm 239 persona. Në të do të përfshihen stafet e të dyja skuadrave dhe stafi i sigurisë, përfshirë këtu 126 persona.

Ekipet do të përbëhen nga trajnerët, mbikëqyrësit dhe mjekët dhe vetëm katër fëmijë do të lejohen për të kapur topin, ndryshe nga një numër më i madh që ishin më parë. Rreth 36 persona do të gjenden në stadium për të transmetuar ndeshjet, por edhe duke përfshirë edhe sigurinë.