Lamine Yamal kërkon të vendos sonte rekord në Champions League

Në Barcelonë të gjithë shpresojnë që Lamine Yamal të thyejë një rekord të ri dhe ta çojë skuadrën e Xavi në çerekfinale të Ligës së Kampionëve. Talenti spanjoll, autor i gjashtë golave ​​dhe shtatë asistimeve këtë sezon, nuk e ka gjetur ende rrjetën në kompeticionin më të rëndësishëm për klube.

Nëse do t’ia dilte sonte, në ndeshjen e kthimit të 1/8-ve kundër Napolit, do të kalonte ish-shokun e skuadrës, Ansu Fati, i cili mban rekordin si golashënuesi më i ri në Champions League.

17 vjeç e 40 ditë, krahasuar me 16 dhe tetë muaj për Yamal, i cili do të mbushë 17 vjeç më 13 korrik. Sot me shumë mundësi ai do ta nisë ndeshjen nga minuta e parë duke parë mungesat e shumta që kanë katalanasit.

Largimi i Dembélé verën e kaluar dhe dëmtimi i Raphinhas kanë bërë që ai të gjejë më shumë hapësira. Në muajt e fundit rritja e Lamine ka qenë e dukshme deri në atë pikë sa mund të thuhet se ai tani është në të gjitha aspektet një “titullar”, për Barcelonën dhe për Spanjën. /Rozalb Lika-Koha Jonë/