Largimi i mundshëm i Dybala-s, Roma mendon për Edon Zhegrovën

E ardhmja e Paulo Dybala-s, duket se ende nuk është vendosur. Sulmuesi argjentinas i Roma-s vijon të ndiqet me shumë interes nga Arabia.

Në rrethana të tilla te Roma po mendojnë që në ekip të afrojnë një sulmues që për ta të konsiderohet i denjë dhe emri i parë në listën e dëshirave është ai i lojtarit të përfaqësueses së Kosovës, Edon Zhegrovës.

Sulmuesi i Lille vlerësohet shumë te Roma dhe nga mediet italiane raportohet se në rast se Dybala do të largohet atëherë “verdhekuqtë” do të hidhen menjëherë në sulm për Zhegrovën.