Lazio surprizon Interin dhe Juven, nis tratativat me Kumbullën

Marash Kumbulla vijon të mbetet në qendër të merkatos së skuadrave europiane. Pas Interit, Napolitdhe Juventusit, tashmë është Lazio që duket se ka ndërmarrë hapa më konkret.

Në orët e fundit Igli Tare ka shtuar presionin për të siguruar shërbimet e talentit.  Bardhekaltrit janë gati të përmirësojnë dhe parakalojnë oferten e Interit (25 milionë euro plus 3 milionë të tjera bonuse).

Tratativa favorizohet nga marrëdhënia shumë e mirë e presidentit të Lazios Lotito dhe homologut të tij veronez Setti pa llogaritur edhe ndërhyrjen e Igli Tares.

Agjenti i njohur Gianluca Di Marzio ka sqaruar situatën: Në orët e ardhshme do të ketë një takim mes dy presidentëve, Lotito dhe Setti për Marash Kumbullën. Interi pr të ka ofruar 25 milionë euro plus bonuese. Nëse Lazio fton drejtuesit e Veronës në Romë, kjo do të thotë se bëhet fjalë për një operacion që mund të finalizohet, madje edhe brenda pak orësh”.