Ledio Pano, shqiptari me rekord botëror që nuk ka humbur asnjë penallti

Ledio Pano mban rekordin ndërkombëtar të FIFA me 50 penallti të sakta në karrierë.  I biri i legjendës së futbollit Panajot Pano njihet nga organizmat ndërkombëtarë si futbollisti që nuk ka gabuar asnjë nga 50 penalltitë e goditura në karrierën si profesionist.

Pano, pjesën më të madhe të karrierës së tij e zhvilloi në Greqi me Skoda Xanthi, Pas Giannina dhe Panelefsiniakos, teksa në Shqipëri ka luajtur me Partizanin dhe Luftëtarin. Për Kombëtaren kuqezi, Ledjo Pano ka zhvilluar 9 ndeshje, duke shënuar një gol.

“Kurrë nuk e kam parë portierin në sy. Gjithmonë e dija se ku do ta gjuaja topin”, ka thënë Pano për UEFA-n. Ai është një rekordmen për momentin në Botë, ndërkohë që pas tij është Vladislav Stoyanov me 24 penallti të ekzekutuara saktë.