Lewandowski shpërthen sërish: Duhen edhe 3 blerje, s’kemi lojtarë

Robert Lewandowski vazhdon të bëjë presion për blerje të reja te Bayern Munich. Sulmuesi polak nuk është aspak diplomat kur bëhet fjala për klubin bavarez, teksa është e disata herë që ka kritikuar drejtuesit për strategjinë e tyre.

“Unë mendoj se kemi nevojë për tre lojtarë të rinj. Në sulm kemi humbur Franck Ribery, Arjen Robben dhe James, por ende nuk ka ardhur asnjë për t’i zëvendësuar. Kemi nevojë edhe për një tjetër sulmues krahu dhe nëse Sane vjen, do na duhet edhe një tjetër lojtarë për të kompletuar repartin e sulmit.

Nëse do të luajmë një sezon të tërë me 13 apo 14 futbollistë profesionist, do të jetë e vështirë, pasi kemi 50 apo 60 ndeshje. Bëhet fjalë për një sezon, jo për 3,4,5 apo 6 muaj. Kemi shumë pak lojtar dhe Hoenes dhe Rummenigge e dinë mendimin tim”, deklaroi hapur Lewandowski për “Sport Bild”.

Bayerni u mposhtë para disa ditësh në finalen e Superkupës së Gjermanisë nga Dortmundi duke demonstruar se ka ende shumë për të përmirësuar për të qenë konkurrues në Europë, ndërkohë që në kampionat do të ketë rivalitetin e verdhezinjve. /R.Lika-Koha Jone/