Lukaku këshillon Eriksen: Mëso italishten, më pas do e kesh më të lehtë!

Romelu Lukaku është gati të rikthehet që të ndihmojë Interin në kampionat dhe në Champions League kundër Realit. Sulmuesi belg ka qenë vendimtar këtë sezon me golat e tij, duke u sjell si një lider në fushë. Së fundmi ai ka dhënë disa këshilla për Christian Eriksen, i cili ka një ndryshim të madh nga paraqitjet me Danimarkën dhe me zikaltërit.

“Ka të gjithë kualitetin për tu bërë një kampion e dua ta ndihmoj. Disa lojtarë kanë nevojë për më shumë kohë për tu adaptuar me futbollin italian, unë kam qenë me fat që u mësova shpejt. Nëse mëson italishten, për të do bëhet gjithçka më e thjeshtë.

Mund të komunikojë më mirë e të japë një kontribut më të madh për skuadrën. Për mua tani ndeshja më e rëndësishme është ajo e të dielës kundër Torinos. Jam i gëzuar për “Final Four” të Nations League, por më parë do të vijnë kualifikueset e Botërorit e pastaj Europiani: duhet të bëjmë hapa me radhë, pastaj do mendojmë për Final Four”, u shpreh belgu.